Ээждээ би очлоо

Ээждээ би очлоо
Үг Б.Дашзэвэг Ая Р.Ганбаатар

Алдрын дуурсал магтаал сонсохдоо
Аярах зүрхээ барьж ядан чагнав аа
Амин холбоотой сайхан ээждээ л
Айлдан хөөрөн дуулгаарай гэв үү дээ

Эргэж золгохын эрхэм дээд
Ээждээ би очлоо доо
Ээжтэй хүн жаргадаг юм аа
Ээждээ би очлоо доо

Төөрөг тавилангаар онож алдахдаа
Түгших зүрхээ тогтоон байж хайрлав аа
Тэнүүн ухаантай түшиг ээждээ л
Түрэгхэн яаран хүрээрэй гэв үү дээ

Эргэж золгохын эрхэм дээд
Ээждээ би очлоо доо
Ээжтэй хүн жаргадаг юм аа
Ээжтэй хүн энддэгүй гэнэ лээ

Хань ижилдээ тунин гоморхохдоо
Хамгаас дотноо хайж ядан дурсав аа
Хоёр олдохгүй ганцхан ээждээ л
Хайлан уйлан очоорой гэв үү дээ

Эргэж золгохын эрхэм дээд
Ээждээ би очлоо доо
Ээжтэй хүн жаргадаг юм аа
Ээжтэй хүн эрхэлдэг юм аа

Эндүүрмээр гэнээ би ээжтэйгээ

Эндүүрмээр гэнээ би ээжтэйгээ
Үг Д.Дашдондов Ая Б.Бямбабаяр

Инээх чинь хүртэл ээжээ ээж гээд
Хэлэлцээд байх юм аа
Эндүүрмээр гэнээ би ээжтэйгээ
Ивээл хайрынх нь өгөөмөртэй
Эгнэхгүй л байхдаа би
Хичээх л юм даа ээж минь ээ

Ярих чинь хүртэл ягаа яг гээд
Хэлэлцээд байх юм даа
Ялгамгүй гэнээ би ээжтэйгээ
Ялдам аашных нь сайханд
Яндахгүй л байх даа би

Хичээх л юм даа ээж минь ээ
Алхаа чинь хүртэл адил аа адил гээд
Хэлэлцээд байх юм аа
Андуурмаар гэнээ би ээжтэйгээ
Ажил үйлсийнх нь гаргуунтай
Айлсахгүй л байх даа би
Хичээх л юм даа ээж минь ээ

Хүүгийн дуу

Хүүгийн дуу
Үг Ц.Даваадорж Ая Н.Содномхүү

Унинаас зүүсэн эсгий үнэгээр
Унтахад домносон аав минь ээ
Сэрэхгүй тайван нойрсоход чагнаж
Сэтгэлээ сэмлэсэн ээж минь ээ

Баривчин дээлтэй хонгорхон насандаа
Босгоор орохдоо бүдэрч унахад
Сүүтэй шанагаа цалгиулж тавиад
Сандарч хурайлан аргадсан ээжий минь

Өөрөө унасан хүн уйлдаггүй
Өндөр болохоороо унахгүй гээд
Асгарсан сүүнээс магнай мялааж
Алгаараа толгой илсэн аав минь

Эрийн цээнд хүрсэн болзоонд
Ээлжлэн хүлээсэн ээж л аав минь
Эндүү ташаа явах вий гэхээс
Дэндүү хайрласан ээж л аав минь

Хүж дэлхий амгалан байг

Хүж дэлхий амгалан байг
Үг Л. Дагвадорж Ая. Д. Алтантуул

Үдшийн тэнгэр цэлмэг байг
Үүрийн туяа өнгөлөг гийг
Өглөөний наран туяалаг тусаг
Үлэмжийн саруул тунамал байг ээ хө

Хүж дэлхий амгалан байг
Хүн бүрий инээж байг ээ хө

Үдийн наран ээсээр байг
Үргэлж гэрэлтэн гийсээр байг
Үрийн бүүвэй уянгалсаар байг
Үйлсийн сайхан дэлгэр байг ээ хө

Дахилт

Сансарт хүүгээ илгээж байг
Санан ээж нь хүлээж сууг
Эргээд хүү нь ирж байг
Ээж нь тэврээд үнсэж байг ээ хө

Үлэмжийн сайхан хорвоо

Үлэмжийн сайхан хорвоо
Үг Б.Явуухулан Ая Ш.Батсайхан
Үлэмжийн сайхан хорвоод
Тээж төрүүлсэн болохоор
Үс минь буурал болсон ч
Үе үе л санах юм

Үүрийн цагаан гэгээтэй
Урьтан золгох энгэрт
Үлдэж хоцорсон ээжээ
Байн байн санах юм

Ингэн хавтгайн сүүгээр
Цай сүлж уулгаагүй болохоор
Ээжийнхээ ачийг би чинь
Юугаар ч хариулсан гэхэв дээ

Үүрийн цагаан гэгээтэй
Урьтан золгох энгэрт
Үлдэж хоцорсон ээжээ
Байн байн санах юм

Эмийн цэцэгсийн шүүдрээр
Дарс нэрж дайлаагүй болохоор
Эх үрсийн өрийг би
Юугаар хариулсан гэхэв дээ

Үүрийн цагаан гэгээтэй
Урьтан золгох энгэрт
Үлдэж хоцорсон ээжээ
Байн байн санах юм

Сүүн далай ээжий

Сүүн далай ээжий
Үг Ц.Гайтав Ая Б.Магсаржав
Наран гэрлийн илчтэй
Саран гоо ээжий минь
Дэлгэр сайхан хараагаараа
Дэлхий ертөнц мишээж байна

Бүүвэйн сайхан дуугаараа
Бүх дэлхийг уяраасан
Чин ариун сэтгэлтэй
Сүүн далай ээжий минь

Одон гаригт мөртэй
Оюун суу ээжий минь
Цэлгэр тунгалаг царайгаараа
Цэлмэг тэнгэрт мэлтийж байна

Бүүвэйн сайхан дуугаараа
Бүх дэлхийг уяраасан
Чин ариун сэтгэлтэй
Сүүн далай ээжий минь

Есөн хүслийн ерөөлтэй
Ертөнцийн суу эжий минь
Мөнх ариун сэтгэлээрээ
Энх тайван мандаж байна

Бүүвэйн сайхан дуугаараа
Бүх дэлхийг уяраасан
Чин ариун сэтгэлтэй
Сүүн далай ээжий минь

Санаж явах ээжий

Санаж явах ээжий
Үг, ая М.Алтангэрэл

Ачит ээж таныгаа санаж зүүдэлж явна даа
Алс холын нутгаас очиж амжихгүй л байна даа
Санасанаар бишдээ хорвоо болохгүй л юм ээжээ
Сайн яваа гэдэгт минь эргэлзэлгүй итгээрэй

Буянтай ээж таныгаа санаж зүүдэлж явна даа
Буман бээрийн алсаас очиж амжихгүй л байна даа
Будант уулсын дундаас алсыг харуулдан суугаа
Буурал ээждээ би чинь орчлонгийн сайхан үр нь дээ

Цагаан сүүний дээжээ тэнгэр бурхандаа өргөдөг
Цайлган сэтгэлт ээжийгээ санаж очоод золгоно доо
Сүүн цацлаа өргөөд хүүгээ хүлээж суугаа
Сайхан ээжий таныгаа энэ л насаараа хайрлана даа

Сайн байна уу ээжээ

Сайн байна уу ээжээ

Үг.П.Лувсан Ая Г.Тэрбиш
Сайн байна уу, ээж ээ
Саравчлан харсаар сууна уу
Сайхан цайныхаа дээжээр
Цацлаа өргөсөөр сууна уу
Хүү чинь сайн, хүү чинь мэнд
Эр цэргийн албанд эсэн мэнд явна

Сайн байна уу, ээж ээ
Сайхан сэтгэлт ээж ээ
Саахалт айлынхаа эмээд
Сайрхаж хүүгээ магтана уу
Хүү чинь сайн, хүү чинь мэнд
Эр цэргийн албанд эсэн мэнд явна

Сайн байна уу, ээж ээ
Саравчлан харсаар сууна уу
Үлдээсэн хацраа үнсэхээр
Өдөр хоногийг тоолно уу
Хүү чинь сайн, хүү чинь мэнд
Эр цэргийн албанд эсэн мэнд явна

Намайг гэсэн ээжий

Намайг гэсэн ээжий

Үг. С. Батмөнх Ая. Н. Чулуунхүү
Өвлийн хүйтэн цагаар
Жавар хаасан ээжий
Үүр шөнийн заагаар
Нойроо хагасалсан ээжий

Хариг хаврын цагаар
Хайраа харамлаагүй ээж
Халуун хүйтний алинд чиг
Халширч халгаагүй ээжий

Зуны халуун нарнаар
Зулай норгосон ээжий
Цурам хийлгүй бүлээрэхэд
Цугтаа өвдсөн ээжий

Намрын сэрүүн цагаар
Нар шиг ээсэн ээжий
Намайг өтлөх гэхээр
Насаа зориулсан ээжий

Миний хоёр ээж

Миний хоёр ээж
Үг. С. Удвал Ая. Д. Дэнсмаа
Үнэнч ханийг минь заяасан буянт ээжий
Үйлгүй өөрийг минь төрүүлсэн ачит ээжий
Өндгөө хайрлан энхрийлсэн уран шувуу
Өнөд завгүй баян сэтгэлтэй

Мянган жаргалыг эдлүүлсэн
Миний ханийн ээжий
Мишээх болгондоо баясгасан
Миний өөрийн ээжий
Мөнхөд сайхныг ерөөсөн
Миний хайртай хоёр ээжий

Хайртай хүү минь гэж халамжаа өгсөн ээжий
Хорвоод хосгүй гэж өргөмжилсөн өгөөмөр ээжий
Намрын бугын уралдаанд цуурай татсан хангай
Насны багад түшсэн итгэлийн өндөр оргил

Дахилт

Алдрай биеийг минь өсгөсөн мяндсан өлгий
Алдрахгүй заяаг минь томсон алтан зангиа
Амьдрах ухаан сийлсэн үнэн итгэл
Ачтаны дээд нь болсон миний хоёр ээжий

Дахил

Мандухай

Мандухай
Үг. Б. Пүрэвдорж Ая. Д. Баттөмөр
Өвөг дээдсийнхээ алтан суудлыг
Өмгөөлөн босов оо ай Мандухай
Өвөр зуураа эвээ эрхэмлэн
Өнөр монголоо нэгтгэв ээ
Өүлэн эхийнхээ ухааны царыг
Өвлөж аваад үйлсээ мандуулав аа
Цэцэн Мандухай ай Мандухай
Хаан эзнийхээ алтан титмийг
Хамгаалан босов оо ай Мандухай
Хасарын үрээс хайраа хатамжлан
Хамаг монголоо нэгтгэв ээ
Тэмүүжин өвгийнхөө төрийн тамгыг
Тэвэрч аваад улсаа мандуулав аа
Цэцэн Мандухай ай Мандухай
Халх түмнийхээ алтан удмыг
Хайрлан өсгөв өө ай Мандухай
Хагарсан улсаа нэгтгэн эвлүүлээд
Хүмүүн олноо жаргуулав аа
Эзэн Чингисийнхээ төрийн сүлдийг
Өргөж аваад өнөд мөнхөрвөө
Цэцэн Мандухай ай Мандухай

Элбэрэл

Элбэрэл
Үг, ая Г.Эрдэнэбаатар
Өхөөрдөн энхрийлэн даахийг минь үнэрлэн
Өвөр дээрээ бөөцийлөн эрхлүүлж
Өөжин дээр нь эсгийгээр үнэг хайчлан домносон
Өвгөн буурал аав таныгаа
Хөх цэнхэр хан хурмастын
Хөвөөгүй уудамтай зүйрэл юү дээ

Хатуу боловч үнэн үгээ ухааруулдаг зангий тань
Халуун нартай зүйрэл юү
Замилангийн жамыг дагаад
Зайлуул даа та минь ядраа юү
Тэнэгэр цагаан хадаг юу гаа
Мөнгөн аяга юутайгаа
Тэргүүн мэхийн өргөе

Өвлийн хүйтэн шөнөөр өвчүүгээрээ төөнөн байж
Өчнөөн хуурайлж мөөмөө хөхүүлсэн
Өөдсийн чинээ хүүдээ нарны цацраг атгуулсан
Өрлөг цайлган ээж таныгаа
Өглөөний шүүдэр сувдрах
Өвч ногоон дэлхийтэйгээ зүйрэл юү

Үрээ гэсэндээ асгаруулсан үнэтэй нулимсыг тань
Өргөн их далайтай зүйрэл юү
Хөөрхий дөө та минь ядраа юү
Хөлийг тань хучиж хүү нь ачлая даа

Өтгөн шаргал цай юугаа аяга юундаа дүүргээд
Өвдөг сөгдөн барья даа
Өтөлж дээ хоёр буурай минь
Өсгөсөн хүү нь өргөе дөө
Танхил үрийн хайр юугаа сэтгэл юундаа тээгээд
Та хоёрыгоо дээдэлье

Нутаг амьтай аав

Нутаг амьтай аав
Үг Д.Сумъя Ая Н.Цолмон

Талын гурван улаан минь
Тарж нэг хурж нэг тослоо доо
Тамхиа нэрээд аав минь
Таниад чиг инээгээд чиг байх шиг ээ
Тамхиа нэрээд аав минь
Таниад чиг инээгээд чиг байх шиг ээ

Газрын эмжээр хүнгүй минь
Галгиж нэг цалгиж нэг тослоо доо
Гандуу дээлтэй аав минь
Гаднаа чиг гэртээ чиг байх шиг ээ
Гандуу дээлтэй аав минь
Гаднаа чиг гэртээ чиг байх шиг ээ

Жирмийн сүлжээ харгуй минь
Жиндээ нэг аяндаа нэг хөтлөө юу
Жирвий саарлаараа аав минь
Жилдээ ч нэг сардаа ч нэг ирэх шиг ээ
Жирвий саарлаараа аав минь
Жилдээ ч нэг сардаа ч нэг ирэх шиг ээ

Нүүдлийн олон шувууд минь
Нуураа нэг тойрмоо нэг эргэлээ дээ
Нутгийн хэдэн буурлаасаа би
Нуугдаж нэг зүүгдэж нэг уйллаа даа
Нутгийн хэдэн буурлаасаа би
Нуугдаж нэг зүүгдэж нэг уйллаа даа

Аавдаа би хайртай

Аавдаа би хайртай
Үг. Х. Чилаажав Ая. С. Ишхүү

Намрын бороо зөөлөн шиврэхэд аав минь даанч дуртай
Насыг нь зөөж буцсаар байгаа шувуудад хайртай
Өөрөө өтлөвч орчлонд үлдэнэ гэж наддаа хайртай
Өдрөөс өдөрт холдсоор байгаа аавдаа би хайртай
Шар наран улам улам алслаад
Саяхан ногоон байсан өвс навч гандаад
Алсын зам аавын харц шиг сүүмийгээд
Аяа намар цаг надаас нэгийг нэхээ юу
Нэг л өдөр миний ижил залуу явсан аав минь
Эгэл жирийн хоногийн эргэлтэнд элэгдэж өтөлжээ
Эргэж тойрсон хорвоогийн шаргал намрууд
Эцгийн минь зулайг зуран шувуудтай буцан оджээ.
Дахилт
Шувууд буцах болгонд нэг л насаа аав минь та өгсөн
Шулуун байсан нуруу нь улирах намрын салхинд ганхсаар
Эргэж тэнийхгүй өвгөн хус мод шиг
Эх газартаа татагдан явсаар аав минь бөхийжээ
Дахилт
Унах болтлоо уудам их зай байгаа ч уу үгүй ч үү
Усны шувуудыг буцаад ирэхэд байх ч уу үгүй ч үү
Он жил хэлж ирэв ч хорьж үл болно
Олон сайхан үртэй мөртлөө аав минь бөхийсөөр

Цагаан сар

Цагаан сар

Цагаан сарын шинийн нэгэн болоод ирэвээ дээ хө
Цагаан эсгий гаднаа дэвсээд
Тэнгэр бурхандаа мөргөлөө дөө хө хө
Царайлаг төрсөн Янжиндуламдаа

Санасныгаа хэлэвэл дээ хө хө ай хө
Цагаан гурилын суумайг жигнэсэн чиг
Амт нь үгүй болно доо хө хө хө хө
Хоёр сарын нэгэн болоод ирвэл дээ хө хө

Хорхой толгой бүгдээрээ өндийгөөд ирэвээ дээ хө хө хө
Хөөрхөн төрсөн Янжиндуламдаа
Санасныгаа хэлэвэл дээ хө хө ай хө
Хайдый ногоогоо зажлаад өгсөн чиг амт нь үгүй болно доо хө хө хө хө

Гурван сарын шинийн нэгэн болоод ирэвээ дээ хө хө
Гуу жалгаар ургасан ногоо нь болвол доо
Ганхаж найгаад ирэвээ дээ хө
Гуниггүй төрсөн Янжиндуламдаа санасныгаа хэлбэл дээ хө хө ай хө
Гоодин фигээ зажлаад өгсөн чиг амт нь үгүй болно доо хө хө хө хө

Сийлэн бөөр

Сийлэн бөөр

Аралтай тэрэг нь айлын дундаа
Алтан шанлуу ширээний минь дундаа хө
Амраг жаалхан Сийлэн бөөрийг
Авна гэж зүүдэлсэн ч үгүй явлаа хө

Хүрдтэй тэрэг нь хүрээний дундаа
Хүрэн шанлуу ширээний минь дундаа хө
Хүүхэн жаалхан Сийлэн бөөрийн
Хуримыг л хийхээр зэхээд байна хө

Мандаж гарах нарны наагуур
Манан ч үгүй тунгалаг байна хө
Манай айлын Сийлэн бөөрийг
Маргааш өглөө мордуулна гэнэ дээ хө

Ургаж гарах нарны наагуур
Униар ч үгүй тунгалаг байна хө
Урд айлын Сийлэн бөөрийг
Ургах нарнаар мордуулна гэнэ хө

Хулсан ташуур

Хулсан ташуур

Хулсан ташуур нь байгаасай
Хуруундаа өлгөөд явах юмсан
Хууль цаазгүй болоосой доо, хүү минь, хө
Хуучин нутагтаа очих юмсан даа, яая даа,

Яргай ташуур нь байгаасай
Янзы нь үзээд барих юмсан
Ялладаг цаазгүй болоосой доо, хүү минь, хө
Яргайтын голдоо очих юмсан даа, яая даа

Гүншүү дээлтэй Гүнжидмаа
Гүнгийн хатанд цанхаатай
Гүнг эхнэр авснаас хойш, хүү минь, хө
Гөлөрөхийн өвчинтэй болов уу даа, яая даа

Судгийн ногоо

Судгийн ногоо

Судгийн ногоо хөөрхий
Сугсраад байна, хө
Сургий нь дуулаад хөөрхий
Өрөвдөөд байна, хө

Арын ногоо хөөрхий
Алаглаад байна, хө
Ааший нь бодохоор хөөрхий
Өрөвдөөд байна, хө

Жалгын ногоо хөөрхий
Жигдрээд байна, хө
Зангий нь бодохоор хөөрхий
Өрөвдөөд байна, хө

Үлэмжийн чанар

Үлэмжийн чанар

Үлэмжийн чанар төгөлдөр
Өнгө нь тунамал толь шиг
Үзэсгэлэнтэй хөөрхөн царайг чинь
Үзээд үзээд ханашгүй, ай нь үнэн хө

Сэтгэлийг минь булаамаар аа, ай хө

Бадмын дундаас дэлгэрсэн
Балын амтанд дурламаар аа
Баясгалантай хөөрхөн царайг чинь
Бахархаад бахархаад баршгүй

Урмыг нь хөгжөөмөөр өө


Үлэмжийн чанар

Үлэмжийн чанар төгөлдөр
Өнгө тунамал толь шиг
Үзэсгэлэнтэй сайхан царайг чинь
Үзвэл лагшин төгс маань
Үнэхээр сэтгэлийг булаанам зэ

Хөшүүн сэтгэлийг уяруулагч
Хөхөө шувууны эгшиг шиг
Хөөрхөн эелдэг үг чинь
Хүүрнэн суухад урамтай
Хөөрхөн аальт мину зэ

Учирмагц сэнгэнэсэн
Уран гол шиг бие чинь
Угаас хамт хамт бүтээсэн
Улаан зандан үнэр чинь
Улмаар сэтгэлийг хөдөлгөнө зэ

Бадамын дундаас дэвэрсэн
Балын амт адил
Баясгалант ааль чинь
Бахдаж ханашгүй
Баярыг улам аривтгана зэ

Хүний энэ насанд
Хүссэн хэргээ бүтээгээд
Хүсэлт тэнгэрийн эдлэл мэт
Хөлгүй жаргалангийн далайд
Хөвж хамт жаргая

Дарьгангын жаахан шарга

Дарьгангын жаахан шарга

Дарьгангын жаахан шаргыг
Уяхан дуулсаар ганхирлаа
Дарьгангын жаахан хонгорт
Унан дурласаар бишэрлээ

Ар халхын нутаг минь
Дуугаар дутаад дуулсангүй
Арын сайхан хангай минь
Охидоор дутаад дурласангүй

Дуулах дуртай дуу минь
Үнэн сайхан үгтэй
Дурсан санаашрах тэр минь
Түвшин монгол зантай

Сайн дуу дуулаагүй бол
Сэтгэл юундаа уярах вэ
Сайхан чамтай учраагүй бол
Зүрх юундаа догдлох вэ

Талын таван толгой

Талын таван толгойгоор
Таана мангир ургамалтай ая хө
Танилцсан амрагаа бодохоороо
Тавхан жил ч гайгүй байна аа хө

Сүлжээт голоор тэмүүлсэн
Цэнхэр бор минь бахтай байна даа
Сэтгэлтэй чамайгаа бодохоосоо
Цэргийн хугaцаа ч гайгүй байна даа

Ухаа хонгор морь минь хө
Урд зүгийн унага юм аа хө
Учиртай чамайгаа бодохоороо
Уулзаж яримаар санагдана даа

Сэндэр охин

Сэндэр охин

Цээ вангийн хошууны
Цэцэн залангийн охинсон доо хө
Арван найман настайдаа
Алиа Сэндэр нэртэй дээ хө

Хорин ембүү хараад
Хормойгоо тосдог аав уу даа, хө
Арван ембүү хараад
Алгаа тосдог ээж үү дээ хө

Хүрэн торгон цамцыгаа
Хэндээ ч гэж оёх вэ дээ хө
Хөгшин буурал баянтай
Насыг яаж л барах вэ дээ хө

Цагаан торгон цамцыгаа
Хэндээ ч гэж оёх вэ дээ хө
Цал буурал баянтай
Цагийг яаж л барах вэ дээ хө

Хорин хошуу дамжуулахаар
Хоньчин хүүдээ ч өгөөсэй дөө хө
Арван хошуу дамжуулахаар
Адуучин хүүдээ ч өгөөсэй дөө хө

Хөх торгон дээл

Хөх торгон дээлийг, хө хө хө
Хөдөөний хоршооноос худалдаад авсан юмаа, хө хө хө
Хөөрхөн төрсөн жинжий Бадам миний амраг хө хө хө
Хөхрөөд байгаа модтой уулын
Альхан талаар явдаг бол доо
Ай л хөөрхийеэ, хө хө хө

Ногоон торгон дээлийг хө хө хө
Номтын хоршооноос худалдаад авсан юмаа, хө хө хө
Номхон төрсөн жинжий Бадам миний амраг хө хө хө
Ногоороод байгаа модтой уулын
Альхан талд нь явдаг бол доо
Ай л хөөрхийеэ, хө хө хө

Цагаан торгон дээлийг, хө хө хө
Захын хоршооноос авсан юмаа, хө хө хө
Царайлаг төрсөн жинжий Бадам миний амраг хө хө хө
Цайраад байгаа цастай уулын
Альхан талд нь явдаг бол доо
Ай л хөөрхийеэ, хө хө хө

Арван тавны сар

Арван тавны сар

Арван тавны сар нь ай хө
Агаар тэнгэртээ дэнлүү дээ ай хө
Арван тавтай шоожуу нь ай хө
Аав ээждээ дэнлүү дээ ай хө

Хорин тавны сар нь ай хө
Хорвоо ертөнцдөө дэнлүү дээ ай хө
Хорин тавтай шоожуу нь ай хө
Хоёр биендээ дэнлүү дээ ай хө

Шинийн хоёрны сар нь ай хө
Шилдээ очоод шингэнэ дээ ай хө
Шинэхэн ханилсан чамтайгаа ай хө
Сэтгэлтэй байдаг нь аргагүй дээ ай хө

Төөрөг тавилан

Төөрөг тавилан



Торгоны өнгө нь дараад байна даа
Төрхийн сайхан бүсгүй юү чи
Тоглож суугаад жаргамаар байна аа
Төөрөг тавилан холдоод байна даа
Төөрөг тавилан холдоод байна даа

Хайрын тэнгэртэй залуу насны
Хаагуур нь зөрсөн бүсгүй вэ чи
Хадмын хаяа түшсэн миний
Харцыг яагаад татаад байна даа
Харцыг яагаад татаад байна даа

Нөмрөн нөмрөх миний л хайр
Нүцгэн гуниг зүрхнээ шивнэлээ
Хайрлахын жаргал наддаа өгсөн
Ханисах заяагүй чамдаа хайртай
Ханисах заяагүй чамдаа хайртай

Дэлхий ээж

Дэлхий ээж

Эзэн бидний алтан хөмрөг
Энгүй тансаг байгальдаа хайртай
Эрин зууны наран дэнлүү
Эрдэнэт хүний бүтээлд хайртай

Хүн төрөлхтөнийг хэвлээсээ төрүүлж
Хүүгийн ёсоор элгэндээ тэвэрсэн
Дэлхий ээж тандаа бид хайртай
Дэлхий ээж тандаа хайртай болохоор
Дэлхий ээж та мөнх настай

Түмэн үеийн баатарлаг туульс
Төгөлдөр баян түүхэндээ хайртай
Оньсон хөлгөөр орон зайг ялсан
Оуюнбилэгт хүмүүст хайртай

Хүн төрөлхтөнийг хэвлээсээ төрүүлж
Хүүгийн ёсоор элгэндээ тэвэрсэн
Дэлхий ээж тандаа бид хайртай
Дэлхий ээж тандаа хайртай болохоор
Дэлхий ээж та мөнх настай

. . . Түмэн үеийн төгөлдөрийг бүтээх хүмүүн гэгч
Ижий цэнхэр дэлхийн эрх танхи хүү нь бөлгөө
Зулайг минь нараар хацрыг минь цэцэгээр үнсдэг
Орчлон их энэрэл дэлхий ижий минь ээ
Хосгүй бүхнийг тэвэрч угтах хойч үеийн итгэлээр
Сайн сайхныг цагийн энгэр дээр алаглуулж
Сав шимийн ертөнцөд дэлхий ээжийгээ баярлуулахсан

Хүн төрөлхтөнийг хэвлээсээ төрүүлж
Хүүгийн ёсоор элгэндээ тэвэрсэн
Дэлхий ээж тандаа бид хайртай
Дэлхий ээж тандаа хайртай болохоор
Дэлхий ээж та мөнх настай

Олны дундаас ижлээ хайсан
Онгон залуу хүсэлдээ хайртай
Хосгүй бүхнийг тэвэрч угтах
Хойч үеийн итгэлд хайртай

Хүн төрөлхтөнийг хэвлээсээ төрүүлж
Хүүгийн ёсоор элгэндээ тэвэрсэн
Дэлхий ээж тандаа бид хайртай
Дэлхий ээж тандаа хайртай болохоор
Дэлхий ээж та мөнх настай

Зvvдэнд уяатай аав

Зvvдэнд уяатай аав

Томоогvй єссєн танхил насанд минь
Тоотой зандарсан дєлгєєн аавынхаа
Хэлсэн бvгдийг сэтгэлдээ тунгааж
Хэрэг болгож анзаарсан ч бил vv дээ

Дахилт:
Сартай мандаж зvvд эргэсэн
Сайхан ааваа єрєвдєєд байх юм
Єглєг хайрыг нь хариулж амжаагvй
Єєрийгєє би зэмлэмээр болох юм

Уургаа тулаад адуундаа мордохдоо
Уулс халхалсан ханхар аавынхаа
Уруул давсан бодол ухааныг нь
Ухаарч єєртєє шингээсэн ч бил vv дээ

Дахилт:
Сартай мандаж зvvд эргэсэн
Сайхан ааваа єрєвдєєд байх юм
Єглєг хайрыг нь хариулж амжаагvй
Єєрийгєє би зэмлэмээр болох юм

Гэрийнхээ хоймроо дvvрэн эзэлсэн
Гэгээн сэтгэлтэй бурхан аавынхаа
Андуу хэлээгvй амин сургаалийг
Дандаа санаж явсан ч бил vv дээ

Дахилт:
Сартай мандаж зvvд эргэсэн
Сайхан ааваа єрєвдєєд байх юм
Єглєг хайрыг нь хариулж амжаагvй
Єєрийгєє би зэмлэмээр болох юм

Бурхан бумбын орон

Бурхан бумбын орон

Н.Жанцанноров Д.Алтангэрэл
Дуучин: УГЖ. Ц.Түвшинтөгс

Сэрүүн булгийхаа усыг хє
Рашаан чинээ санасангүй дээ хө
Сэгсгэр буурал ээжийгээ
Бурхан чинээ санасангүй дээ хө

Дөлгөөн хангайнхаа уулсыг хө
Хайрхан чинээ бодсонгүй дээ хө
Дүнхгэр буурал аавыгаа
Бурхан чинээ санасангүй дэ хө

Бумбын орон шиг нутгаа хө
Зүүдэлнэ чинээ санасангүй дээ хө
Бурхан хоёр буурыгаа
Өтөлнө чинээ санаангүй дээ хө

Халуун элгэн нутаг

 Халуун элгэн нутаг

Элэг зүрхнээс уяатай
Энхрий Монгол нутаг минь
Эцэг эхээс заяатай
Эрдэнийн алтан өлгий минь

Цэцгийн шимийг тэтгэсэн
Цэнгэлийн хавар айлчилхад
Мөрөн гол нь дуугаа дуулж
Мөнх сарьдаг нь мишээдэг ээ

Сэрүүн салхи сэвсүүлсэн
Хацар нүүрийг илбэн байж
Сэтгэл дотрыг ариулсан
Халуун элгэн нутаг минь

Бүстийн цэнхэр нуур

Бүстийн цэнхэр нуур

Оддын доор хуучрах эрт урьдын домогтой
Онгон уулаа тэврэх шиг ижий таны төрхтэй

Бүстийн цэнхэр нуураа санаад байна
Бүртийж хоцорсон ээжээ үгүйлээд байна

Нарны доор мэлтэлзэх усны шувуудын ганганаатай
Нас нэмэх тоогоор ухаан бодол ургаастай

Бүстийн цэнхэр нуураа санаад байна
Бүртийж хоцорсон ээжээ үгүйлээд байна

Сарны доор мэлтэлзэн ширгэх нь үгүй ундрагатай
Салхины аясаар хээлдэх шилэн мөнгөн долгиотой

Бүстийн цэнхэр нуураа санаад байна
Бүртийж хоцорсон ээжээ үгүйлээд байна

Нутгийн бараа

Нутгийн бараа

Нутгийн бараа
Үг, ая А.Аздэлгэр

Зүүдэн дунд минь толгод нь үзэгдээд
Зүсрэх бороотой тэнгэр нь цэнхэртээд
Санаа алдахад салхи нь үнэртсэн
Сайхан нутгийн бараа тодхон
Нулимстай нүдэнд торойгоод хоцорсон
Нутгийн бараа ээжийн энтэй
Ариухан шороогий нь алгандаа дээдэлсэн
Алтан нутаг аавын түшигтэй
Бодлын харгуйд шувууд нь зэллээд
Будант хөндийн зэргэлээ нь мяралзаад
Буцах совин сэтгэлд харвуулсан
Буурал нутгийн бараа тодхон
дахилт
Хүний нутгийн сайхныг мэдэхээр
Хүрэх алсын холыг зорьсон
Хосгүй танаас эрхэм эрдэнийг
Хорвоод би чинь харсангүй дээ
дахилт

Сувилагч тандаа баярлалаа

Сувилагч тандаа баярлалаа
Үг Ш.Сүрэнжав Ая Т.Чимэддорж
Зөөлөн гараараа тэнхрээн сувилсан
Зүйтэй аалиараа тэтгэн ивээсэн
Цагаан өмсгөлт уяхан дагина
Гэгээн үйлстэй ухаант бүсгүй

Оровч гаравч дурсгалтай
Эвлэг занд чинь баяслаа би

Амьдралыг үхлээс аварч булаасан
Аюулыг үүдээр түлхэж буцаасан
Асрал хайрын хүж наран
Ачлал энэрэлийн сүн далай

Оровч гаравч дурсгалтай
Эвлэг занд чинь баяслаа би

Шөнөжин нойргүй эргэж сахисан
Өнжин завгүй өргөж асарсан
Нинжин хайрын цацрах цалгиа
Нандин хүслийн шижир долгио

Оровч гаравч дурсгалтай
Эвлэг занд чинь баяслаа би

Ахан дүүсийн дуу

Жавхлан & Хайдав - Ахан дүүсийн дуу



Гэгээн зөвлөлт орны
Найртай сайхан тусыг
Нэгэн хүүтэй эхийн
Хайртай зүйрлэм сэтгэлийг

Аа аа аа аа аа аа аа аа

Алтайгаас Хянган хүрсэн
Уул тал минь дуулна
Хэнтийгээс өмнийг зорьсон
Хангай говь минь дуулна

Зовох цагт нөхрөлсөн
Зоригт Монголын үнэнчийг
Ахын ганцхан дүүгийн
Ачлал хүргэж явсныг

Тэртээ Москвагийн цэцэрлэгээс
Оросын хус дуулна
Тэргэл сартай дорноос
Өргөн Сибирь дуулна

Ангар мөрний долгио шиг
Амар тайвныг хүснэ
Сэлэнгэ мөрнөөс уусан шиг
Сэтгэл санаа ариусна

Монгол Орос бид
Ахан дүүс
Найрамдлыг дуулна
нарны дор
Хос хун шиг дуулна

Нутгийн сайхан бэр

Нутгийн сайхан бэр

Нүдний нь хөөрхөнд нүгэл хурмаараа
Нүнжигтэй аашинд нь үрчлээ цөөрмөөрөө
Алтан нутгийн бэр минь дээ
Аавын хүүгийн хань минь ээ

Үйлийн үрийг үргээж яв
Үнэнч хайраа үнэнч хайраа өргөж яваарай
Насны нь залууд харц шингэмээрээ
Намбаны нь төвшинд сэтгэл уярмаараа

Алтан нутгийн бэр минь
Аавын хүүгийн хань минь ээ
Үйлийн үрийг үргээж яв
Үнэнч хайраа үнэнч хайраа өргөж яваарай

Зүсний нь сайханд зүү сүвлэмээрээ
Зүйргүй уранд нь нүд унамаараа
Алтан нутгийн бэр минь
Аавын хүүгийн хань минь ээ

Үйлийн үрийг үргээж яв
Үнэнч хайраа үнэнч хайраа өргөж яваарай