Дэндүү намуухан

Сайхан чамайгаа
Тэврэн суусан
Саруулхан үдэш
Дэндүү намуухан

Сарны туяанд
Нүдийг чинь ширтээд
Санаа сэтгэл минь
Дэндүү намуухан

Ай
Намуун шөнийн
Сайхан аяалгуу
Ай
Амраг чиний
Саран үзэсгэлэн


Амраг чамайгаа
Налан суусан
Аниргүй орой
Дэндүү намуухан

Ай
Намуун шөнийн
Сайхан аяалгуу
Ай
Амраг чиний
Саран үзэсгэлэн

Ай дуу зөөлөн
Шивнээг чинь сонсоод
Амин зүрх минь
Дэндүү намуухан


Ай
Намуун шөнийн
Сайхан аяалгуу
Ай
Амраг чиний
Саран үзэсгэлэн

Нандин хүсэл

Нандин нандин хүслээ тээсээр

Нартын гэрэл гэгээг хайрласаар

Өгсөж уруудах амьдралын

Нугачаан дунд ээж минь

Энхрий үр наддаа аж жаргалаа дуулсаар

Урсгал ус нь аялгуу дуу билээ

Уярал хайр нь ээж минь билээ

Амин хайртай үр нь билээ

Амьдрал хүсэл билээ

Ээж минь та нандин билээ

Ээж минь та наран билээ

Хайр хайрын итгэлээ тээсээр

Сайны ерөөл цацлаа өргөсөн

Хатуу хөтүү орчлонгийн

Нүгэл буянд ээж минь

Хайртай үр наддаа энэ хайраа дуулсаар

Урсгал ус нь аялгуу дуу билээ

Уярал хайр нь ээж минь билээ

Амин хайртай үр нь билээ

Амьдрал хүсэл билээ

Ээж минь та нандин билээ

Ээж минь та наран билээ

Наран билээ

Хосын ятга

Үг: Ч.Чагнаадорж

Ая: Т.Найданжав /МУУГЗ/

Цэцгийн шүүдэртээ хөлөө норгоод

Цэнхэр үүрээр чамайгаа тослоо доо

Ятгын уянгатай аялгуу урлая даа

Янагийн дуугаа чамдаа дууллаа даа

Сунгаж татсан торгон утсанд нь

Сувдан хэлхээ задраад л байна даа хө ай хө

Хосын ятгаараа хоёулаа хоршоё доо

Хорвоог уярааж дуулан дуулая даа

Хатирч морины амгаа нь шаргиад

Хайртай чамдаа зориод очлоо доо

Хатан ятганы аялгуу сонсоод

Харийн газраас яаран яарлаа даа

Зүрхэнд урсах аялгууг хөглөөд

Зүүдний амраг чамдаа ирлээ дээ

Сарнайн дэлбээ шиг туяхан хуруу нь

Сайхан хайрыг ятганд шивнэлээ дээ.

Дуулан хүлээж сууна уу

Ая Г.Балжинням

Үг Г.Балжинням

Хангай нутгийн цэнгэг салхиар ундаалсан

Хан хөхийн чимэгт дуунд уяранхан

Харгиа усны сайхан тунгалга туяанд аа

Хархан гэзгээ самнан самнан сууна уу даа чи

Саасан сүүгээ сав дүүрэн бялхууланхан

Саалийн үнээгээ сайхан булчээрт хариулах даа

Саруул дэнжийн сарнай цэцгээр нааданхан

Сааарашгүй хүслээр намайгаа дурсан сууна уу даа чи

Хадтай уулын ханагар бэлээр зурайсан

Харгуй замын цар зураг ширтэнхэн

Хамгаас үнэнч хатан зүрхээ илчилсэн

Хайрын дуугаа дуулан хүлээж сууна уу даа чи

Харгиа усны сайхан тунгалга туяанд аа

Хархан гэзгээ самнан самнан сууна уу даа чи

Хамгаас үнэнч хатан зүрхээ илчилсэн

Хайрын дуугаа дуулан хүлээж сууна уу даа чи

Миний тал нутаг

Миний тал нутаг

Тараг идээний амт нь

Ээжийн сүүний шим дээ

Талын зэрэглээ нь мяралзаад

Ээлийн цагаан суврага шиг

Миний монгол талын монгол

Мэнд амарын жаргалын орон

Мөнх тэнгэрийн шүтээнтэй

Мөнгөн хундагын дугараатай

Өргөн уудам тал даа

Өнжөөд амраад явна даа

Миний монгол талын монгол

Мэнд амарын жаргалын орон

Чин Зүрхний Хайр

Онгон талын сарнай шиг

Ариун танхил гэргий минь

Оюу эрдэнийн хэлхээ шиг

Нулимс унаган мэлмэрнэ

Цагил мөнгөн утас шиг

Уян хатан аалинд чинь

Цангинах дууны эгшиг шиг

Уран увдис нууцарна

Цэнлэг алтан үрэл шиг

Цагаан сувдан хэлхээ шиг

Цэнгэг мөрний долгио шиг

Сэтгэлийн үерт хуйларна

Ийм нэгэн сэтгэл

Үг. Ө. Балчиндорж

Ая. М. Норсонжав

Тэнгэрийн уудамд аялсан

Тэргэл цагаан сар уу даа

Тэртээ өндөр ууландаа

Тээглээ ч үгүй сэтгэл үү дээ

Алхан тамгатай хээрийгээ

Арилжиж битгий солиорой

Амрагаа гэсэн сэтгэлээ

Алсдаа ч битгий мартаарай

Амрагаа гэсэн сэтгэлээ

Алсдаа ч битгий мартаарай

Навчин тамгатай хээрийгээ

Наймаалж битгий солиорой

Намайгаа гэсэн сэтгэлээ

Насандаа ч битгий мартаарай

Намайгаа гэсэн сэтгэлээ

Насандаа ч битгий мартаарай