Хосын ятга

Үг: Ч.Чагнаадорж

Ая: Т.Найданжав /МУУГЗ/

Цэцгийн шүүдэртээ хөлөө норгоод

Цэнхэр үүрээр чамайгаа тослоо доо

Ятгын уянгатай аялгуу урлая даа

Янагийн дуугаа чамдаа дууллаа даа

Сунгаж татсан торгон утсанд нь

Сувдан хэлхээ задраад л байна даа хө ай хө

Хосын ятгаараа хоёулаа хоршоё доо

Хорвоог уярааж дуулан дуулая даа

Хатирч морины амгаа нь шаргиад

Хайртай чамдаа зориод очлоо доо

Хатан ятганы аялгуу сонсоод

Харийн газраас яаран яарлаа даа

Зүрхэнд урсах аялгууг хөглөөд

Зүүдний амраг чамдаа ирлээ дээ

Сарнайн дэлбээ шиг туяхан хуруу нь

Сайхан хайрыг ятганд шивнэлээ дээ.

Дуулан хүлээж сууна уу

Ая Г.Балжинням

Үг Г.Балжинням

Хангай нутгийн цэнгэг салхиар ундаалсан

Хан хөхийн чимэгт дуунд уяранхан

Харгиа усны сайхан тунгалга туяанд аа

Хархан гэзгээ самнан самнан сууна уу даа чи

Саасан сүүгээ сав дүүрэн бялхууланхан

Саалийн үнээгээ сайхан булчээрт хариулах даа

Саруул дэнжийн сарнай цэцгээр нааданхан

Сааарашгүй хүслээр намайгаа дурсан сууна уу даа чи

Хадтай уулын ханагар бэлээр зурайсан

Харгуй замын цар зураг ширтэнхэн

Хамгаас үнэнч хатан зүрхээ илчилсэн

Хайрын дуугаа дуулан хүлээж сууна уу даа чи

Харгиа усны сайхан тунгалга туяанд аа

Хархан гэзгээ самнан самнан сууна уу даа чи

Хамгаас үнэнч хатан зүрхээ илчилсэн

Хайрын дуугаа дуулан хүлээж сууна уу даа чи

Миний тал нутаг

Миний тал нутаг

Тараг идээний амт нь

Ээжийн сүүний шим дээ

Талын зэрэглээ нь мяралзаад

Ээлийн цагаан суврага шиг

Миний монгол талын монгол

Мэнд амарын жаргалын орон

Мөнх тэнгэрийн шүтээнтэй

Мөнгөн хундагын дугараатай

Өргөн уудам тал даа

Өнжөөд амраад явна даа

Миний монгол талын монгол

Мэнд амарын жаргалын орон

Чин Зүрхний Хайр

Онгон талын сарнай шиг

Ариун танхил гэргий минь

Оюу эрдэнийн хэлхээ шиг

Нулимс унаган мэлмэрнэ

Цагил мөнгөн утас шиг

Уян хатан аалинд чинь

Цангинах дууны эгшиг шиг

Уран увдис нууцарна

Цэнлэг алтан үрэл шиг

Цагаан сувдан хэлхээ шиг

Цэнгэг мөрний долгио шиг

Сэтгэлийн үерт хуйларна

Ийм нэгэн сэтгэл

Үг. Ө. Балчиндорж

Ая. М. Норсонжав

Тэнгэрийн уудамд аялсан

Тэргэл цагаан сар уу даа

Тэртээ өндөр ууландаа

Тээглээ ч үгүй сэтгэл үү дээ

Алхан тамгатай хээрийгээ

Арилжиж битгий солиорой

Амрагаа гэсэн сэтгэлээ

Алсдаа ч битгий мартаарай

Амрагаа гэсэн сэтгэлээ

Алсдаа ч битгий мартаарай

Навчин тамгатай хээрийгээ

Наймаалж битгий солиорой

Намайгаа гэсэн сэтгэлээ

Насандаа ч битгий мартаарай

Намайгаа гэсэн сэтгэлээ

Насандаа ч битгий мартаарай

Зүрхний санаашрал

Үг: Буд Ая: Амаржаргал /МУГЖ/

Үдшээр уйлах өвсөн шүүдэрт хөлөө норгоод
Үндсэнд шургасан чимээгүй бодлоо зүрхэндээ тэрлээд
Нар хүлээх талдаа үүрийг угтан суухад
Намайг бүүвэйлсэн чиний минь хайр надад энхрий

Хажууд нь хоржигнох булгийн урсгал чиний инээд

Холхи оддын хилгүй гүнд шөнийн гэгээ
Зүүдний юм шиг амрагын диваажинд миний нисгэсэн

Зүрхний хараацай хайрын дуу эндээс эхтэй

Санааширалд аялах саран авхай надтай ханьсаад
Салхины исгэрээ лимбэний дуунд уяран хайлаад
Чиний нэр шиг наддаа дотно туяагаа илгээж
Чимээгүй дүнсийх талд бууж бишүүрхэн учирдаг юм

Холын саран надад тэгээд хайрын домог хүүрнэн
Хормойд нь саваагүйтэх салхи нь номхорч хөл дор унтаад
Сар бид хоёрын богинохон учрал өндөрлөхөд
Санаа амран өндийн босон дэгдэдэг юмаа

ИТГЭЛ ЮМ ШҮҮ

Шүлэг: Н. Энхбаатар

Ая: Цэн Эрдэнэбат

Уудмын холоос ч гийгүүлэн байдаг

Ургах наран шиг туяарсан

Уяруухан хайранд чинь би

Үргэлж мөнхийн гэрэлтэж явна аа би

     

     Зөндөө ихээр хүсэн хүлээсэн

     Зөнгөөр учирсан хайр минь юм шүү дээ чи минь

     Аргадан аргадан чамайгаа л энхрийлсэн

     Ариухан гэгээн итгэл юм шүү дээ

Алсын чандаас ч тольдонхон байдаг

Амгалан саран шиг асгарсан

Аальгүйхэн инээдэнд чинь би

Ашид мөнхийн гэрэлтэж явна аа би

     

     Зөндөө ихээр хүсэн хүлээсэн

     Зөнгөөр учирсан хайр минь юм шүү дээ чи минь

     Аргадан аргадан чамайгаа л энхрийлсэн

     Ариухан гэгээн итгэл юм шүү дээ

Намайг чамтай учруулан угтдаг

Найгал уул лус цэнхэртсэн

Намуухан аалинд чинь би

Насан мөнхийн гэрэлтэж явна аа би

     

     Зөндөө ихээр хүсэн хүлээсэн

     Зөнгөөр учирсан хайр минь юм шүү дээ чи минь

     Аргадан аргадан чамайгаа л энхрийлсэн

     Ариухан гэгээн итгэл юм шүү дээ