Ээждээ л үнсүүлэхсэн киноны дуу

Ээждээ л үнсүүлэхсэн киноны дуу

Ертөнц байгальд тохиолдох
Түмэн учирлын дотроос
Ерөөл тавьлангаар учирсан
Хүний хань нь хосгүй еэ

Эвий хөөрхий хань минь
Элэг зүрхний тольт юм
Энэхэн хорвоод чамгүй бол
Эгэл бие минь өнчирнө дөө

Эрдэм мэдлэг байлаа ч
Ижилгүй болбол дульмаг юм
Идэр нас нь байлаа ч
Ханьгүй болохоор дутуу еэ

Эвий хөөрхий хань минь
Элэг зүрхний тольт юм
Энэхэн хорвоод чамгүй бол
Эгэл бие минь өнчирнө дөө

Буруудаад нэг явахад
Хүний хань зовдог юм
Буурал суугаад өтлөхөд
Хүний хань хосгүй еэ

Эвий хөөрхий хань минь
Элэг зүрхний тольт юм
Энэхэн хорвоод чамгүй бол
Эгэл бие минь өнчирнө дөө



Ташаа зүйл оруулсан бол залруулна гэдэгт бат итгэж байна.

Бид мартахгүй

Хайр гэрэлтсэн нүдийг чинь
Харах бүрийдээ дальдравч
Баясан булгилах зүрх минь
Байлдагч чамруу тэмүүлнэ

Чи зүрхэнд минь хайрын дөл тусгаж
Чи сэтгэлд минь дурлалын гал бадраана

Хүнлэг хайрын шивнээг
Сонсох бүрийдээ ичингүйрэвч
Хүсэн мөрөөдөх сэтгэл минь
Хайртай чамдаа тэмүүлнэ

Хар нүдэн бүсгүй минь
Хэн хүний үр болоод чи
Онгон хайрыг минь уярааж
Унтах нойрыг хасна вэ

Чи уулзахдаа хайрын дээдийг заяаж
Чи учрахдаа жаргал авчирна

Янаг хайртай бүсгүй минь
Ямар хүний үр болоод чи
Зүрх сэтгэлийг минь дэнслүүлж
Зүүд нойронд минь учирна вэ

Чи уулзахдаа хайрын дээдийг заяаж
Чи учрахдаа жаргал авчирна

Хөдөөгийн Баясгалан

үгийг С.Дашдооров , хөгжмийг Г.Бирваа

Тайван намрын өнгө нь халиун
Тансаг олны итгэл халуун
Суугуул нутгийн уудам хөндий
Суурь сүргийн бараа дүүрэн

Жихүүн өвлийн жавар ширүүн
Жирийн олны зүтгэл шидрүүн
Саруул нутгийн буурал хөндий
Сааршгүй үйлсийн ундраа дэлгэр

Урьхан хаврын салхи нь хонгор
Улс олны амьдрал ханагар
Унаган нутгийн цэлгэр хөндий
Уянга дууны эгшиг цээлхэн

Нарлаг зуны цэцэг нь өнгөлөг
Найрсаг олны сэтгэл тунгалаг
Өлгий нутгийн минь налгар хөндийд
Өрнүүн ажлын амжилт арвин

Зүүдний Наран

Зүүдний Наран

Өвсний толгойд шүүдэр хяруутаад
Өмөг түшиг аавыгаа үгүйлэх юм
Сэтгэлд ургасан зүүдний наранд тань
Сэвлэг даах минь нялхаараа л явна даа

  Нандин сэтгэлийн гүндээ би
  Нулимс дуслуулан санах юм аавыгаа
  Намираа цэнхэр бороо болоод
  Над дээр асгардаг ч болоосой аав минь

Нялх балчир насанд минь эрхлүүлчихээд
Надтай үүрд байгаач ааваа
Нимгэн тэрлэг жиндэх сэрүүнд нь
Нөмөр дулаан өврийг тань үгүйлэх юм

  Нандин сэтгэлийн гүндээ би
  Нулимс дуслуулан санах юм аавыгаа
  Намираа цэнхэр бороо болоод
  Над дээр асгардаг ч болоосой аав минь

Хааяа зүүдэнд аав минь ирчихээд
Хамтдаа байгаа гэж ярих юм
Долоон бурхан одод тань мөргөөд
Дуундаа таныгаа мөнхрүүлж явна даа

  Нандин сэтгэлийн гүндээ би
  Нулимс дуслуулан санах юм аавыгаа
  Намираа цэнхэр бороо болоод
  Над дээр асгардаг ч болоосой аав минь

  Нандин сэтгэлийн гүндээ би
  Нулимс дуслуулан санах юм аавыгаа
  Намираа цэнхэр бороо болоод
  Над дээр асгардаг ч болоосой аав минь
  Над дээр асгардаг ч болоосой аав минь

Энэ хүүхнүүд үү

Нүдний үзүүрт зэргэлсэн
Шаргын уудам говиод хө
Хайрын булаг бургилсан
Миний ээж минь суудаг юм хө

Очих цаг минь болоогүй ч
Өдөр цагаар гэгэлзээд
Оргилсон тоос босох бүрийд
Ширтэн хүлээдэг нь учиртай юм хө


Нисэн явдаг шувуу ч хө
Зүсэн үлээдэг салхи ч хө
Халуун сэтгэлийг дамжуулаад
Хайрын дууг чинь аялан сууна хө

Хайр өөрөө гайхалтай

Хайр өөрөө гайхалтай



Хайрт минь чи бид хоёрын учирсан үдшийг санаж байна уу
Тийм ээ би энэ хорвоод чамтай л учирсанд аа азтай

Монос цэцэглэх цагаар би чамтайгаа
Харц тулгаранхан учирсан
Мойл хархан нүдэн чамтайгаа би
Учирсандаа азтай
Шөнийн саран биднийг адислан таалж
Үдшийн болзоо минь
Үлгэр мэт гайхалтай

Хайр хайрандаа жаргадаг юм
Харц харцандаа уярдаг юм
Халуухан зүрхэндээ энхрийлдэг юм
Хайр өөрөө гайхалтай

Сэм сэмхэн үгүйлэх хайртайгаан би
Хайрын төгөлд учирсан
Сэрүүн салхинд жиндсэн гарыг минь
Атган суух нь түшигтэй
Шөнийн саран биднийг адислан таалж
Үдшийн болзоо минь
Үлгэр мэт гайхалтай

Хайр хайрандаа жаргадаг юм
Харц харцандаа уярдаг юм
Халуухан зүрхэндээ энхрийлдэг юм
Хайр өөрөө гайхалтай

Монос цэцэглэх цагаар би чамтайгаа
Харц тулгаранхан учирсан
Мойл хархан нүдэн чамтайгаа би
Учирсандаа азтай
Шөнийн саран биднийг адислан таалж
Үдшийн болзоо минь
Үлгэр мэт гайхалтай

Хайр хайрандаа жаргадаг юм
Харц харцандаа уярдаг юм
Халуухан зүрхэндээ энхрийлдэг юм
Хайр өөрөө гайхалтай

Чи яг дурлал шиг

Чи яг дурлал шиг

Чи бол нар шиг
Чиний өөдөөс ширтэх хэцүү
Тэгээд би нүдээ анин
Тэвчээрээ хүлээлт гээд
Тэврэхийг чинь би зөндөө хүлээдэг.

Чи яг бороо шиг
Чамд хүрэх үнэхээр хэцүү
Тэгээд би алгаа тосоод
Тэвчээрээ хүлээлт гээд
Тэнгэрээс над дээр унахыг чинь хүлээдэг.

Нар мэт халуун дурлал минь чи
Бороо шиг тунгалаг хайр минь чи
Сэтгэлд минь мандаад
Зүрхэнд солонгорно

Нар мэт халуун дурлал минь чи
Бороо шиг тунгалаг хайр минь чи
Байгаа болохоор
Би жаргалтай

Чи яг зүүд шиг
Чамтай уулзах үнэхээр хэцүү
Тэгээд би сэрэх бүрдээ
Тэвчээрээ хүлээлт гээд
Тэр л учралыг үргэлж хүлээдэг.

Нар мэт халуун дурлал минь чи
Бороо шиг тунгалаг хайр минь чи
Сэтгэлд минь мандаад
Зүрхэнд солонгорно
Нар мэт халуун дурлал минь чи
Бороо шиг тунгалаг хайр минь чи
Байгаа болохоор
Би жаргалтай

Энэ дурлал нэг л өдөр
Бороо болж дээрээс асгарна
Солонго болоод
Тэнгэрийг чимнэ

Чи яг дурлал шиг
Нар, бороо бас зүүд шиг
Тэгээд би санаа алдаад
Хүлээлтээ итгэл гээд
Тэр л мөчүүдийг үргэлж хүлээдэг

Нар мэт халуун дурлал минь чи
Бороо шиг тунгалаг хайр минь чи
Сэтгэлд минь мандаад
Зүрхэнд солонгорно
Нар мэт халуун дурлал минь чи
Бороо шиг тунгалаг хайр минь чи
Байгаа болохоор

Хөхөөгийн дуу

Хөхөөгийн дуу

Хайрлаж дуралсан бүсгүй минь
Халх нутгийн охин доо
Харалсан бүтэлгүй толгой би
Хаа очсоныг нь мэдсэнгүй ээ

Нийслэл хүүгийн дуу

Нийслэл хүүгийн дуу

Хормойгоо чирсэн хочтой
Намайг татах хүчтэй
Хайрийг ундраах шидтэй
Халуун янаг хүүхэн

Ингээд наддаа заяадаг байжээ
Амрагхан чи минь

Даншигийн цуутай төлчин
Нийслэлийн суутай ажилчин
Ховоо халсан мастер
Овоо зэхсэн зурагчин

Ингээд чамдаа дасдаг байжээ
Алдрайхан би чинь

Нийлээд суухын цагт болоод явчих байлгүй
Нэгдэлч олноо түшихээр дэгжээд явчих байлгүй
Нийслэлээс ирээд нэгдэлд туслаад
Мэрэгжилээ сольжээ

Чи минь байгаа хойно

Чи минь байгаа хойно

Намрийн сэрүүн унасан ч яахав дээ
Насаараа чи минь дэргэд байгаа хойно
Навчис хүртэл гундсан ч яахав дээ
Найрсагхан чи минь хажууд байгаа хойно

Ааваа зорино

Ааваа зорино(Дэндэв)

Намрийн сэрүүн салхинд найгах
Навч нь шаргал моддыг хархаар
Настай буурал аавын минь
Намба нь тодорч харагдах юм даа

Анхны хайр

Дууг сонсох:
sonin.mn


Дууг сонсох:
bichamdkhairtai.mn



Анхны хайр

Ариун ариун гэхэд
Анхны хайр шиг ариухан нь хаа байна
Хайрлан хайрлахгүй юм бол
Халуун зунаар ч хайрын цэцэг хагдардаг юм шүү

Ахиад хэзээ ч эргэхгүй ээ
Алдрайхан хонгор нас минь ээ
Амьдралд хоёр заяахгүй ээ
Анхны хайр минь ээ Хайр минь
Анхны хайр минь ээ

Эмзэг эмзэг гэхэд
Анхны хайр шиг эмзэгхэн нь хаа байна
Энхрийлж энхрийлэх юм бол
(Хариу болгож) хайрын цэцэг дэлбээлдэг юм шүү

Ахиад хэзээ ч эргэхгүй ээ
Алдрайхан хонгор нас минь ээ
Амьдралд хоёр заяахгүй ээ
Анхны хайр минь ээ Хайр минь
Анхны хайр минь ээ

Аа ааа аа

Үүрдийн үүрдийн гэхэд
Анхны хайр шиг үүрдийн хаа байна
Нартад нандигнах юм бол
Насны энгэрт ч хайрын цэцэг мөнхөрдөг юм шүү

Ахиад хэзээ ч эргэхгүй ээ
Алдрайхан хонгор нас минь ээ
Амьдралд хоёр заяахгүй ээ
Анхны хайр минь ээ Хайр минь
Анхны хайр минь ээ

Халуун элгэн нутаг

 Халуун элгэн нутаг

Элэг зүрхнээс уяатай
Энхрий Монгол нутаг минь
Эцэг эхээс заяатай
Эрдэнийн алтан өлгий минь

Цэцгийн шимийг тэтгэсэн
Цэнгэлийн хавар айлчилхад
Мөрөн гол нь дуугаа дуулж
Мөнх сарьдаг нь мишээдэг ээ

Сэрүүн салхи сэвсүүлсэн
Хацар нүүрийг илбэн байж
Сэтгэл дотрыг ариулсан
Халуун элгэн нутаг минь