Сэндэр охин

Сэндэр охин

Цээ вангийн хошууны
Цэцэн залангийн охинсон доо хө
Арван найман настайдаа
Алиа Сэндэр нэртэй дээ хө

Хорин ембүү хараад
Хормойгоо тосдог аав уу даа, хө
Арван ембүү хараад
Алгаа тосдог ээж үү дээ хө

Хүрэн торгон цамцыгаа
Хэндээ ч гэж оёх вэ дээ хө
Хөгшин буурал баянтай
Насыг яаж л барах вэ дээ хө

Цагаан торгон цамцыгаа
Хэндээ ч гэж оёх вэ дээ хө
Цал буурал баянтай
Цагийг яаж л барах вэ дээ хө

Хорин хошуу дамжуулахаар
Хоньчин хүүдээ ч өгөөсэй дөө хө
Арван хошуу дамжуулахаар
Адуучин хүүдээ ч өгөөсэй дөө хө