Дүнжингаравын магтаал

Дүнжингаравын магтаал


Орой дээрээ овоотой

Олон газраас зарлигтай

Очирваанийн шүтээнтэй

Хангайн Дүнжингаравыгаа

Хааны минь Дүнжингарав л гэнэ.

Богд Дүнжингаравыгаа

Бодитой Дүнжингарав л гэнэ.

Хадтай Дүнжингаравыгаа

Хааны минь Дүнжингарав л гэнэ

Энэ л Дүнжингаравыгаа

Эрдэнийн маант Дүнжингаравыгаа л гэнэ.

Цал буурал дөрвөн хангай

Хатан Туултай магтья

Урд талаас нь харах юм бол

Уран Манзуширийн хийдтэй

Шүр сувдын чимэгтэй

Есөн эрдэнийн баялагтай

Сүрлэг сайхан хангай даа

Баруун талаас нь харах юм бол

Бадамлхамын оронтой

Бадам давжид хормойтой

Баялаг Дүнжингаравыгаа

Баатар Дүнжингарав л гэнэ.

Хойд талаас нь харах юм бол

Хөвчин хангай хүрлийгээд

Буга согоо нь зөрөлдөөд







Булгийн ус нь мэлтэлзээд

Хатан Туул маань цэнхэртэнэ.

Зүүхэн талаас нь харах юм бол

Зүрхэн улаан цохиотой

Зүр гурын гүйдэлтэй

Зөндөө сайхан амтай

Ам болгон рашаантай

Засаг төрдөө болбол даа

Зандан ширээ юм даа.

Замбуу тив дээ болбол доо

Онгон дархан шүтээндээ

Мөнх л тэнгэрийн болбол доо

Мөнгөн багана юм даа

Монгол орны минь болбол доо

Уулсын тэргүүн хангай даа

Зуны тунгалаг өглөө нь хө

Хөхөөн дуу уянгалаад

Хөвчийн өндөр модонд нь

Жигүүртэн бүрдэн чуулсан

Энэ л замбуу тивдээ болбол

Үзэсгэлэн чимэг нь юм даа

Энх мөнхийн болбол доо

Мөнхийн цэнхэр хадаг нь юм

Энэ л Дүнжингаравыгаа

Эрхт Дүнжингаравыгаа

Цал буурал дөрвөн хангайгаа

Хатан Туултай нь магтлаа.

Наран мандах нутаг

Наран мандах нутаг

Мандах наран зүгт нутаг минь байдаг юмаа
Маргах юмгүй тэнд дулаахан байдаг юм аа
Мал нь тогтуухан хүн нь аядуухан
Мандах наран зүгт нутаг минь байдаг юм аа

Ургах наран зүгт нутаг минь байдаг юм аа
Уртын дуу шиг тал цэнхэртэж байдаг юм аа
Уудам талаа туулна гэж
Унаган хүлэг минь босоо төрдөг юм аа

Том наран дор нутаг минь байдаг юм аа
Тогоруу шувуу нь алхалж л явдаг юм аа
Тогоотой сүүгээ ээж минь самраад
Томоогүй хүүгээ хүлээж суудаг юм аа

Зөөлөн шаргал зүгт нутаг минь байдаг юм аа
Зөрүүдхэн бага нас минь тэнд л үлдсэн юмаа
Сөөсгөр хүүгээ ээж минь үүрээд
Зөндөө үлгэр ярьж л өгсөн юмаа
Мандах наран зүгт нутаг минь байдаг юм аа

Янаг цэцэг

Янаг цэцэг

Салхинд согтон найган дэлбээлсэн
Сайхан үнэрт янаг цэцгийг
Сэмхэн ширтэх чамдаан зориулж
Сэтгэл догдлон бэлэглэж билээ

Миний бэлэглэсэн янаг цэцгийг
Мэдсээр байж чи авсангүй
Мөрөөдөж дурлаж явсан сэтгэлд минь
Мөнхийн гуниглал орхилоо чи

Хоромхон зуур болоод өнгөрсөн
Хачин занг чинь би ойлгосонгүй
Ховорхон цэцгийг минь чи талаагүй ч
Хонгор чамаасаа би хагацахгүй

Миний бэлэглэсэн янаг цэцгийг
Мэдсээр байж чи авсангүй
Мөрөөдөж дурлаж явсан сэтгэлд минь
Мөнхийн гуниглал орхилоо чи

Эрдэнэ засгийн унага

Эрдэнэ засгийн унага нь
Эрвэлзүүлэнхэн жороо шүү
Элсэн манханд нутагтай шүү
Эмгэн буурал ээжтэй шүү

Товуу засгийн унага нь
Товолзууланхан алхаатай
Товцог толгодод нутагтай шүү
Тунчиг буурал аавтай шүү

Нарийн цагаан замаар нь
Насны багад дөгийлөө
Ногоон толгойд нутагтай
Номхон олон дүү нартай...

Эр бор харцага

Эр бор харцага нь
Жигүүрэндээ хүчтэй л байна уу даа
Идэрхэн залуу насанд нь
Даанч ажигч үгүй явлаа даа

Ай хөөрхий алдрай мину зээ
Арслангийн зулзага
Ууландаа хүчтэй л билүү дээ
Амрагийн хоёр сэтгэл
Аль алиндаа асрамжтай л билүү дээ
Аяа хөөрхий алдрай мину зээ


Сайр шандын усыг
Шавхавч бардаггүй л билүү дээ
Сайн хүний үрийг
Даравч болдоггүй билүү дээ
Аяа хөөрхий алдрай мину зээ


Хажуу талын ногоо нь
Халиурч найгаад ганхана билүү дээ
Хамаг та бүгдтэйгээ
Ханатлаа найрлах жаргалтай билүү дээ
Аяа хөөрхий алдрай мину зээ

Дуу минь

Дуу минь дуу минь

Дуу минь дуу минь дуртайхан дуу минь
Дуулим талын минь уянгатайхан дуу минь
Эцгийнхээ гэрт эгшиглэхийг нь сонслуу
Эмнэгхэн залуудаа сэтгэлээ уяраалуу
Дуу минь дуу минь дуртайхан дуу минь

Ай даа дуу минь, адтайхан дуу минь
Аглаг талын минь аялгуутайхан дуу минь
Амрагхан чамдаа аяланхан өглүү
Алагхан зүрхийг уяраан татлуу
Дуу минь дуу минь адтайхан дуу минь

Дуу минь дуу минь дуртайхан дуу минь
Дуулим талын минь уянгатайхан дуу минь
Хоёулаа болоод хослонхон дууллуу
Хонгорхон нутгаа хайрланхан дууллуу
Дуу минь дуу минь дуртайхан дуу минь

Ээ дээ дуу минь, энхрийхэн дуу минь
Ээрэм талын минь эгшигтэйхэн дуу минь
Эх орны минь уянгасан билүү
Эцгийн минь хуурын эгшигсэн билүү
Ээ дээ дуу минь энхрийхэн дуу минь

Өдтэй бичиг

Өдтэй бичиг

Өдтэй юу бичиг нь хө
Өртөөгөөр дамжина аа хө, ай хө
Өвлийн гурван сардаа
Өөрөө ирэхийн доио юу даа хө

Хадаастай бичиг нь
Хавийн өртөөгөөр дамжина аа хө, ай хө
Хаврынхаа гурван сардаа
Харьж ирэхийн дохио юу даа хө

Зурагтай юу бичиг нь
Зуун бээрээр дамжина аа хө, ай хө
Зуныхаа гурван сардаа
Зуурхан ирэхийн дохио юу даа хө

Наалттай юу бичиг нь
Наян бээрээр дамжина аа хө, ай хө
Намрынхаа гурван сардаа
Наашаа ирэхий дохио юу даа хө.

Гангараа

Агсам хул морьны булигаанд үлдэж гангарнаа
Аавын ган хэтний цахианд асч гангарнаа
Аз ивээсэн өдрийн одыг өвөртөлж гангарнаа 
Аатай тэнзэн ташуураа тулж гангарнаа          

Галтай эрчүүдийн удам билээ
Ганган харчуудын үргэлжлэл билээ

Эмнэг хуй салхины зулайд исгэрч гангарнаа
Эрэл хол замын эзгүйд жаргаж гангарнаа
Илүү заяатай чонын сүлдэнд бууж гангарнаа
Итгэлээ өгсөн андын нэг л зангаар гангарнаа          

Галтай эрчүүдийн удам билээ          
Ганган харчуудын үргэлжлэл билээ

Нүнжиг даасан буяны алганд багтаж гангарнаа
Нүд булаасан бүсгүйн тавиланд ханьсаж гангарнаа
Уртын сайхан дуугаа нартад хадааж гангарнаа
Ухаанаа өвлүүлсэн өвгөдөө дуурайж гангарнаа            

Галтай эрчүүдийн удам билээ            
Ганган харчуудын үргэлжлэл билээ
 

Самрын гурван толгой

Самрын гурван толгой

Самрын гурван толгойгоо
Сайвар саарлаараа туулна аа
Санааны амраг чамтайгаа
Санан сууж найрлая

Үзмийн гурван толгойгоо
Үрээ саарлаараа туулна аа
Үеийн бяцхан чамтайгаа
Үерхэн сууж найрлая аа

Зэгэстийн гурван толгойгоо
Зээрд халзнаараа туулна аа
Зүрхний амраг чамтайгаа
Зүйчлэн сууж найрлая аа

Намрын өнгө

Намрын өнгө Үг О.Цэрэндэндэв Ая Л.Мөрдорж


Галуун цуваа хөвөрсөн
Голын ус нь мэлтэгнэсэн
Ганган байгаль хосолсон
Гоёхон намрын өнгө юм аа
Амуу тариа найгасан
Арвин сүрэг налайсан
Айргийн амт нь чимчигнэсэн
Алтан намрын шим юм аа
Ургах наран төөнөсөн
Усны шувууд ганганасан
Уянга сэтгэлд эгшиглэсэн
Уудам нутгийн намар юм аа

Дорнын цагаан саран

ДОРНЫН ЦАГААН САРАН Үг Д.Норов Ая. Д.Баттөмөр

Сарны туяанд цэцэг ургана
Салхины сэвшээнд үлгэр урсана
Саруул хар нүдийг чинь санана
Салалтгүй хамтдаа суугаасай
   Дорнын цагаан саран
   Шөнөжин дуулж хононо
   Дотно янаг хүүтэйгээ
   Насандаа цэнгэж сууя аа
Сарнайн дэлбээнд шүүдэр унана
Цагаан гэгээнд Хэрлэн урсана
Сайхан бор царайгий чинь бодно
Цаглашгүй мөнхдөө жаргаасай
   Дахилт
Занданы үнэрт салхи нь сэвшинэ
Хэрлэнгийн шугуйд болжмор зүүдлэн
Зөөлөн ээл зангий чинь хүснэ
Хэмжээлшгүй ихээр хайрлаасай
   Дахилт

МАЛ МАЛЛАХ САЙХАН

МАЛ МАЛЛАХ САЙХАН Үг Б. Ламзав Ая Д.Мясүрэн
Агь таанын үнэр ханхалсан
Аглаг хээрийн тал нутгаар
Адуун сүргээ хариулж явахад
Аргагүй сайхан байдаг шүү
   Мал маллах сайхан шүү
   Малчин бидний жаргал шүү
Янгир гөрөөс дүүлэн давхисан
Яргуй цэцэгтэй өндөр уулаар
Ямаан сүргээ хариулж явахад
Ямар сайхан байдаг гээч
    Дахилт
Тунамал тогтуухан элбэг устай
Тунгалаг сэрүүнхэн нуурын дэргэд
Тугал бяруугаа хариулж явахад
Тун чиг сайхан байдаг шүү
    Дахилт

БОЛЗОО

БОЛЗОО Үг. З.Сандаг Ая. Г.Дарамзагд/

Сарьдаг өндрийн өврөөр
Сайхан яргуй цэнхэртээд
Саахалт айлын хоньд нь
Сархиагаа дагаад идээшилж байна
Тогтсон сүргийн дэргэд
Торомгор бүсгүй суугаад
Тод ганган угалзыг
Тохируулан хавтаганд нь
шагласаар байна
Хилэн торгоны энгээр
Хээгий нь олж тааруулаад
Хээрийн задгай билчээрт
Хэнд өгөхөөр урласан юм бол
Шилийн урт замаар
Агсам морь нь тэмүүлсээр
Шинэхэн амраг нь болзоондоо
Адуугаа залаад айсуй байна

БҮСГҮЙ МИНЬ ЧИ ИНЭЭМСЭГЛЭЖ ЯВААРАЙ

БҮСГҮЙ МИНЬ ЧИ ИНЭЭМСЭГЛЭЖ ЯВААРАЙ Үг. С.Рэнцэндорж Ая. С.Галсанбат
Цэлмэг тэнгэрийн наран наадсан
Цэлгэр хотынхоо өргөн чөлөөгөөр
Цэнгэлт залуустай мөр зэрэгцээд
Цэмцгэрхэн байгалиа чимж явахдаа
   Бүсгүй минь чи инээмсэглэж яваарай
   Цэмцгэрхэн байгалиа чимж яваарай
Цэцгийн дэлбээнд хурын ус гялбаад
Цэвэрхэн охидын туялзсан алхаанд
Түрлэг өргөх цоглог хөгийг
Тоглох хөгжмийн аясыг товшихдоо
   Бүсгүй минь чи инээмсэглэж яваарай
   Цэмцгэрхэн байгалиа чимж яваарай
Итгэл дүүрэн ардынхаа дунд
Ирмүүн хөдөлмөрийн далайд умбаад
Идэр залуу насныхаа аагаар
Гэгээ цацруулан алхаж явахдаа
   Бүсгүй минь чи инээмсэглэж яваарай
   Цэмцгэрхэн байгалиа чимж яваарай

Нэгэн голын хархүү

Нэгэн голын хархүү

Ангир чуулдаг нуурын зэгсэнд
Үелзэн долгиолоод
Альхан газрын шувууд нь
Эргэж тоглон саатна вэ

Хээр үүрийг сэрээж
Адуундаа давхих хархүү чи
Хэний л охинд зориулж
Амрагийн дуугаа дуулна вэ


Дүүрэн тэргэл сарнаар
Харгай булаалдаж өссөнсөн
Дүүмэд жаахан намайгаа
Сандаг болов уу яадаг бол

Халган долгиох нуурын
Мөнгөн мандалд бүүвэйлүүлж
Хаанаас ирсэн шувууд нь
Зүүдээ манаж өнжинө вэ

Явуу сарнаар хатирах
Агсам морьтой хархүү чи
Ямархан бүсгүйд зориулж
Хайрын дуугаа аялна вэ

Дүүрэн тэргэл сарнаар
Харгай булаалдаж өссөнсөн
Дүүмэд жаахан намайгаа
Сандаг болов уу яадаг бол

Одод тоглох нуурын торгон
Давалгаанд далавчилж
Орчлонд хайчих шувууд нь
Өдөө сэлгээн бөлжинө вэ

Бөрт сарнаар бодогдох
Нэгэн голын хархүү чи
Бүсгүй хэнд л зориулж
Дурлалын дуугаа дуулна вэ

Дүүрэн тэргэл сарнаар
Харгай булаалдаж өссөнсөн
Дүүмэд жаахан намайгаа
Сандаг болов уу яадаг бол

Дархадын цэнхэр хотгор

ДАРХАДЫН ЦЭНХЭР ХОТГОР Үг. П.Бадарч Ая. Ш.Ламжав


Дархадын цэнхэр хотгор нь хоё
Далай шиг болоод уудамхан
Үзэсгэлэнт дархад бүсгүй нь хоё
Үлгэрийнх шиг болоод ариухан


Хүүжий Дүүжий Хүүхэнжий
Хүрээд иртэл минь баяртай
Аажий ээжий хоёртоо би
Аминчилж хэлчихээд ирье дээ хоё


Цагаан цааны нуруунд хоё
Тогтох л болов уу яадаг бол
Царайлаг чинийхээ дэргэд хоё
Тэнцэх л болов уу яадаг бол
Хүүжий Дүүжий Хүүхэнжий
Хүрээд иртэл минь байртай
Эгчий дүүдий хоёртоо би
Эргэж золгочихоод ирье л дээ хоё


Тоомын өндөр давааг хоё
Торох л үгүй давна хоё
Торомгор дархад бүсгүйг хоё
Мартах л үгүй санана даа

Болзоо

Болзоо - Үг: З.Сандагаа, Ая: Г.Даранзагд


Цэлгэр хашаан дотор
Цэцгийн мандлын дэргэд
Анхлан уулзсан түүнтэй
Ахин уулзахаар болзлоо би

Борхон зүрх минь түг түг хийнэ
Бугуйн цаг маань чаг чаг гэнэ

Өөдөө сөргөө яваад
Хөлөө эцтэл зогслоо
Өргөн гудамж ширтээт
Хөлдөж үхэхээ шахлаа би

Борхон зүрх минь түг түг хийнэ
Бугуйн цаг маань чаг чаг гэнэ

Алиа хөөрхөн аашаараа
Амраг  намайгаа чадав уу
Одоо болтол ч алга аа
Бороо ч орлоо яах вэ би?!

Борхон зүрх минь луг луг хийнэ
Бугуйн цаг маань ч шал шал гэнэ

Юу? аан
Яв яв гэнэ
Харь харь гэнэ
Хариа харь

Ээждээ л үнсүүлэхсэн киноны дуу

Ээждээ л үнсүүлэхсэн киноны дуу

Ертөнц байгальд тохиолдох
Түмэн учирлын дотроос
Ерөөл тавьлангаар учирсан
Хүний хань нь хосгүй еэ

Эвий хөөрхий хань минь
Элэг зүрхний тольт юм
Энэхэн хорвоод чамгүй бол
Эгэл бие минь өнчирнө дөө

Эрдэм мэдлэг байлаа ч
Ижилгүй болбол дульмаг юм
Идэр нас нь байлаа ч
Ханьгүй болохоор дутуу еэ

Эвий хөөрхий хань минь
Элэг зүрхний тольт юм
Энэхэн хорвоод чамгүй бол
Эгэл бие минь өнчирнө дөө

Буруудаад нэг явахад
Хүний хань зовдог юм
Буурал суугаад өтлөхөд
Хүний хань хосгүй еэ

Эвий хөөрхий хань минь
Элэг зүрхний тольт юм
Энэхэн хорвоод чамгүй бол
Эгэл бие минь өнчирнө дөө



Ташаа зүйл оруулсан бол залруулна гэдэгт бат итгэж байна.

Чамайг тойрон эргэлднэ

Чамайг тойрон эргэлднэ

Зулай дээрээс чинь
Бороо болон асгарч
Өлмий доороос чинь
Цэцэг болон ургаад

Чин хайрын сэтгэл минь
Чамайг тойрон эргэлднэ

Эгэм доогуур чинь
Саран болон шургаад
Магнай дээрээс чинь
Наран болон мандаад

Чин хайрын сэтгэл минь
Чамайг тойрон эргэлднэ

Уруулын чинь үзүүрээс
Дуу болон цацарч
Уулсын чинь хяраас
Цуурай болон буцаж

Чин хайрын сэтгэл минь
Чамайг тойрон эргэлднэ

Он жилүүдийн цаанаас
Дурдатгал болон буцаж
Очих гэсэн зүгээс чинь

Ирээдүй болон тосоод
Чин хайрын сэтгэл минь
Чамайг тойрон эргэлднэ

Гурван тамирын уянга

Гурван тамирын уянга

Гурван Тамирын шугуй
Үелзэнхэн шуугина
Арван живаа мөчир нь
Туялзанхан найгана

Мөрөн Тамирын ус нь
Өнгөн дээрээ хээтнэ
Молор дусал цацлах шиг
Сайрын чулуунд харгиатна

Гурван Тамирын уянга
Шөнийн чимээгүйд хөөмийлнө
Дөрвөн настай халиун шиг
Дөрөө жийгээд эргvvлнэ

үг нь Дэнсамбуу, ая нь Норсонжав

Тулгын гурван чулуу

Төрсөн нутгийнхаа тал шиг
Түвшин аавынхаа сэтгэлийг
Түлсэн галынхаа дөл шиг
Төөнөж дандаа явах юмсан


Урсах голынхоо ус шиг
Уяхан ээжийнхээ сэтгэлийг
Уртын дууныхаа ая шиг
Уярааж дандаа явах юмсан


Буурал хангайнхаа уул шиг
Буянтай хоёрыгоо түшиглээд
Тулгын гурван чулуу шиг
Туждаа хамт явах юмсан