2019-05-21

Зөөлөн зөөлөн замбуулин

Зөөлөн зөөлөн замбуулин

Үг: Л.Мөнхтөр
Ая: Н.Баасандорж

Агь үнэртсэн цэнхэр талын
Адуу нь дандаа соргог байдаг аа
Уужуу тайван ухаантай аавын минь
Үг нь дандаа эрдэнэ байдаг аа

Зүүд хүртэл жаргаж сэрдэг
Зөв явбал зөөлөн зөөлөн замбуулин

Нар үдэлсэн буурал говийн
Салхи нь дандаа бүлээн байдаг аа
Насан өндөр сайхан ээжийн минь
Санаа нь дандаа сүү байдаг аа

Зүүд хүртэл жаргааж сэрдэг
Зөв явбал зөөлөн зөөлөн замбуулин

Бүжин туулай хярсан бутыг
Харахад нэг л нөмөртэй байдаг аа
Бүүвэй аялсан бүсгүй хүний
Харц нь дандаа зөөлөн байдаг аа

Зүүд хүртэл жаргааж сэрдэг
Зөв явбал зөөлөн зөөлөн замбуулин



2019-04-27

Хавар болж дээ хонгор минь

Улирлын сайхан жигдрээд
Ургамлын дээжис дэлгэрээд
Улаанбаатар минь униартаад
Урин болжээ хонгор минь

Аа аа аа
Урин болжээ хонгор минь

Ээлтэйхэн өдрүүд налайгаад
Дуучинхан шувууд ганганаад
Эмгэн ээж минь нарлан суугаад
Дулаан болжээ хонгор минь

Аа аа аа
Дулаан болжээ хонгор минь

Гэгээвчээр салхи сэвэлзээд
Сэмхэнээр сэтгэл хөвөлзөөд
Хөөрхөн үр минь гадаа тоглоод
Хавар болжээ хонгор минь

Аа аа аа
Хавар болжээ хонгор минь

АЛТАНЗУЛ

Навчинд тунасан шүүдрээр
Ганган цэцэг нь дэлгэрдэг
Нарны тансаг гэрлээр
Галбирхан бие нь төлждөг

Газар эхээс заяатай
Ганган цэцгийн дэлбээг
Хүн та өөрөө
Хөндөж битгий таслаарай

Сарны мөнгөн туяанд
Сайхан дэлбээ нь гялбадаг
Салхины урихан илбээнд
Салаахан иш нь туялздаг

Дахилт

Бие биеэ түшээд
Орчлонд ханьсан ургадаг
Бэл бэлээ дэрлээд
Онгон тагтад соёолсон

2018-07-18

Хайр дааж амьдарна

Хайр дааж амьдарна


Үйлийн хайчаар галаа шилээвэрдээгүй ээж минь
Хутгаа буулгалгүйгээр айлд ороогүй аав минь
Үй зайгүй амин зүрхний хайртай ханийн заяандаа
Хэн нь ч хэнийгээ чи гэж дуудаа нь үгүй жаргал аа

Хүсэл учралын сайхан хорвоод
Хайр дааж амьдрахын учир энэ ээ

Хувин дүүрэн сүүгээ цалгиулаа нь үгүй ээж минь ээ
Дөмөн хүлгийнхээ уургыг гишгээ нь үгүй аав минь дээ
Дөч эргэм насандаа ухаарлын үүдийг нээгээд
Дөмгөрхөн их хорвоог дүүрэхийн чинээнд алхлаа даа

Хүсэл учирлын сайхан хорвоод
Хайр дааж амьдрахын учир энэ ээ

Үйлчин эмгийнхээ учигтай зүүг зэврүүлээ нь үгүй ээж минь дээ
Өндөр өвгийнхөө дээд талд тухлаа нь үгүй аав минь дээ
Сүү нь сүүгээрээ байгаагаас учирлахын үйл байна уу даа
Дуу нь дуугаараа үлддэгээс ухаарахын учиг олдоноо доо

Хүсэл учирлын сайхан хорвоо
Хайр дааж амьдрахын учир энэ ээ

2018-05-16

Таксийн цоохор машин

Таксийн цоохор машин

Үг Д.Пүрэвдорж        Ая С.Мааяа
Таксийн цооохор машин нь хө
Дайрчих шахаад  өнгөрснийг яана
Ууртай ширүүн харсан чинь
Усан дагина байсныг яана.

Алаг бөөртэй машиныг хө
Амдан амдан гүйх  боллоо доо
Ахиад дайрвал дайраг гээд
Аандаа хүсдэг болчихлоо би

Таксийн цоохор машин нь хө
Дахиад  дайрчих шахсаныг яана
Хөөрөн баясаад харсан чинь
Хөрслөг залуу жолооч хялалзсаныг яана даа

Амраг хайрын сэтгэлд нь хө
Арын хаалга байдаг юм уу болов уу
Та минь наддаа туслаач дээ
Такси баазаар танилууд байна уу

Зүсий нь танихгүй машин нь хө
Зүг зүг рүү л цахилаад байна даа
Яая даа, яая даа зүрх минь
Яг  ингэж цохилоод байх юм

2017-10-28

Уяхан хорвоон хань

Үг. Ж.Бадраа
Ая. С.Чойсүрэн

Нүүрнээс чинь туяа цацарч нэвт гийгүүлнэ ээ
Нүднээс чинь гэрэл бадарч тольт догдлуулна аа
Зүрхэнд чинь лянхуа дэлгэрч илт харагдна аа
Зүүдэнд минь наран мандуулж сүлд сэргээнэ ээ

Аа яа уяхан хорвоон хань мину зээ
Аа яа учран жаргаах амь буюу чи

Аашаар чинь орчлон баясаж од мишээмээр
Ажлаар чинь олон бахдаж сод жишээлмээр 
Санаанд чинь дэлхий дэвтэж навч нахиалмаар
Саруулд чинь дэнлүү асаж өвч гялбаамаар

Аа яа уяхан хорвоон хань мину зээ
Аа яа учран жаргаах амь буюу чи

Золбоот чи түүний зүрхэнд оч үсрээснээр
Золоор би түүний эрхэнд орж бишрээ еэ
Ашгүй чи ариун журмаа над хүртээснээр
Азтай би халуун илчий нь олж гялайжээ

Аа яа уяхан хорвоон хань мину зээ
Аа яа учран жаргаах амь буюу чи

2017-08-13

Орчлонг хайрлаарай

Орчлонг хайрлаарай 
Дуучин МУГЖ Батсүх
Нандин цэнхэр тэнгэрийг хайрлаарай
Намрын будан бүрхчихнэ ай хөөрхий
Насан өндөр аав ээжээ хайрлаарай
Нартын жам нь булаачихна ай хөөрхий

Дахилт:
Гунигтай сэтгэлийг аргадаж хайрлаарай
Нулимстай нүдийг арчиж хайрлаарай
Чи бидний орчлон ганцхан шүү
Амьдралыг зүрхэндээ тэврэн хайрлаарай
Гэгээн дорнын сарыг хайрлаарай
Гэрэлт туяагаа хумьчихна ай хөөрхий
Залуухан амрагаа уучилж хайрлаарай
Замилангийн урсгал элээчихнэ ай хөөрхий

Дахилт:

Сайхан цагаан үүлсийг хайрлаарай
Салхины аясаар сарничихна ай хөөрхий
Зоргоор олддоггүй амьдралаа хайрлаарай
Зовлон жаргал хуваачихна ай хөөрхий

Дахилт: