Янаг цэцэг
Салхинд согтон найган дэлбээлсэн
Сайхан үнэрт янаг цэцгийг
Сэмхэн ширтэх чамдаан зориулж
Сэтгэл догдлон бэлэглэж билээ
Миний бэлэглэсэн янаг цэцгийг
Мэдсээр байж чи авсангүй
Мөрөөдөж дурлаж явсан сэтгэлд минь
Мөнхийн гуниглал орхилоо чи
Хоромхон зуур болоод өнгөрсөн
Хачин занг чинь би ойлгосонгүй
Ховорхон цэцгийг минь чи талаагүй ч
Хонгор чамаасаа би хагацахгүй
Миний бэлэглэсэн янаг цэцгийг
Мэдсээр байж чи авсангүй
Мөрөөдөж дурлаж явсан сэтгэлд минь
Мөнхийн гуниглал орхилоо чи
Keine Kommentare:
Kommentar veröffentlichen