Хөдөөгийн Баясгалан

үгийг С.Дашдооров , хөгжмийг Г.Бирваа

Тайван намрын өнгө нь халиун
Тансаг олны итгэл халуун
Суугуул нутгийн уудам хөндий
Суурь сүргийн бараа дүүрэн

Жихүүн өвлийн жавар ширүүн
Жирийн олны зүтгэл шидрүүн
Саруул нутгийн буурал хөндий
Сааршгүй үйлсийн ундраа дэлгэр

Урьхан хаврын салхи нь хонгор
Улс олны амьдрал ханагар
Унаган нутгийн цэлгэр хөндий
Уянга дууны эгшиг цээлхэн

Нарлаг зуны цэцэг нь өнгөлөг
Найрсаг олны сэтгэл тунгалаг
Өлгий нутгийн минь налгар хөндийд
Өрнүүн ажлын амжилт арвин