Хан уулын цэцэг найгаад
Хаврын наран ууланд туслаа
Хайртай буурал аав таныгаа
Хан уулнаасаа харах шиг боллоо
Сайхан буурал аав таныгаа
Санаад л байна уу даа хүү чинь
Унаган нутагт минь зэрэглээ мяралзаад
Усны шувууд нь ганганан чууллаа
Ухаантай буурал аав таныгаа
Увс нуурандаа харах шиг боллоо
Санчиг буурал аав таныгаа
Санаад л байна уу даа хүү чинь
Наран саруулхын боргио нь хаялаад
Намрын цаг халиураад ирлээ
Настай буурал аавынхаа үгийг
Тэсийнхээ голоосоо сонсох шиг боллоо
Сайхан буурал аав таныгаа
Санаад л байна уу даа хүү чинь
Өгөөмөр уулын орой нь будантаад
Өвлийн хүйтэн жиндээд ирлээ
Өвгөн буурал аав таныгаа
Өндөртийн овоондоо харах шиг боллоо
Сайхан буурал аав таныгаа
Санаад л байна уу даа хүү чинь
Keine Kommentare:
Kommentar veröffentlichen