Ижийдээ

Ижийдээ

Буйртан хөх нуур минь
Бөгтийж намссан ээж минь 
Холын холд явхаар
Хоёулаа санагдаад байх юм аа

Жаргах наран зүгт зорьмоор
Жаахан ижийдээ очмоор
Мэлтийх нуурандаа ирмээр
Мэлмэрэх ижийдээ үнсүүлмээр

Ангир шаргал нуур минь
Амлуулж өсгөсөн ээж минь
Алсын алсад явхаар
Аяндаа бодогдоод байх юм

 
Жаргах наран зүгт зорьмоор
Жаахан ижийдээ очмоор
Мэлтийх нуурандаа ирмээр
Мэлмэрэх ижийдээ үнсүүлмээр

Того нутаг минь
Тосож хүлээсэн ээж минь
Томоогүй хүү наддаа
Тодоос тод санагдах юм аа

Жаргах наран зүгт зорьмоор
Жаахан ижийдээ очмоор
Мэлтийх нуурандаа ирмээр
Мэлмэрэх ижийдээ үнсүүлмээр