Цэнхэрлэн харагдах уулс

Цэнхэрлэн харагдах уулс

Цэнхэрлэн харагдах уул нь ээ
Чандмань эрдэнийн маань уул байна аа хө
Цэцэрлэгт сайхан ууландаа
Чамтайгаа зугаалмаар уул байна аа хө

Алаглан харагдах уул нь ээ
Алим жимстэй уул байна аа хөө
Аавын хоёр хүү чинь
Амьдарч болмоор уул байна аа хөө

Ногоорон харагдах уул нь ээ
Номин эрдэнийн уул маань байна аа хөө
Ноёлог сайхан ууландаа
Хүүтэйгээ зугаалмаар уул байна аа хөө

Намрын шар наран ээ
Над дээр чам дээр тусаад байна аа хө
Насан багын чамтайгаа
Наадаж суумаар уул байна аа хө

Эрээлэн харагдах уул байна аа хө
Эрдэс баялагтай уул байна аа хөө
Энхрий жаахан чамтайгаа
Энэхэн насандаа жаргана даа

Нарс хайлаа хоёр нь ээ хө
Навчаа дагаад гандлаа даа хө
Наалинхай хоёр хүү чинь хө
Насан туршдаа жаргана даа хө